[UZNEMIRUJUĆE FOTOGRAFIJE] Mladom vijećniku otrovan pas: ‘Makni se iz politike ili ćeš i ti tako finit’

– Čera večer smo Kan i ja zadnji put bili pu veterinara… Ustanovljeno je da je otrovan, patil je nebog prvo negoj zavavik zaprl svoje dobroćudne i vele kafene oči kimi san se saki dan zajubjeno radoval ko prvi put kad san ih videl. Danas jutro našal san uz ogradu ostatak otrovanoga faširanoga mesa umotan va papir z porukun “makni se z politike ili ćeš finit ko tvoj pas”. Izgleda daj moj politički angažman va lokalnoj politiki došal na naplatu i to simbolično na dan donošenja proračuna za predstojeće 2021 leto va vrime dokli san na sjednici općinskoga vijeća proturiječil vladajućimi a Kan me čekal doma spreda kuće, napisao je Mavrinac.Od svog ljubimca oprostio se dirljivim riječima.

Prijeteća poruka

– Kan je bil puno više nego ča jedan prosječan pas to more bit, osim ča je bil dobri duh rodnoga mi kraja, bil mij cimer, nerodjeni brat, najboji prijatel, bil je moj zaigrani otročić ki mej držal na životu fanj put kad me život ni šparal, ukratko bil je moja ahilova peta i to su znali, zato su ga kukavice i rovinali. Ki god da ovo sad čita a ima pasa, zagrlite ga jako i dajte mu more jubavi, vrnut će van na n-tu potenciju, pas je jedino živo biće ko vas voli više nego sam sebe, uživajte va njegovon društvu saki dan, falet će van neopisivo ako imate imalo ljudskoga va sebi kad ga priko noći više ne bude kod ča mojga Kana više ni. Ovako san zadnji put bil jadan, ogorčen i skršen kad mij umrla nona a za njun i nono, Kan je bil moja familija i ni zaslužil ovako umrit. Onimi ki su mu ovo storili želin da in umre niki koga vole na jednak način kod čaj Kan umrl pa da osjete ovu gorčinu, bol i nemoć ku ja sad osjećan. Prokazat ću vas kukavice kadi god da se skrivate, zić ćete na vidjelo ko i oni ki su vas poslali da mi ubijete pasa a onda zamislite najhuji mogući scenarij ki van se more dogodit, duplo gore će vas snać. Vidimo se zmaju moj slinavi na drugoj bandi, obećajen, prtit ćemo se opet skupa po planinskimi vrhi kad za to dojde vrime a do onda me čekaj na mestu za koga samo ti i ja znamo. Da moren svoj život zate dat, dal bin ga vaje, bez okljevanja kod ča si i ti svoj zame dal. Zbogom mrcino, bila mij čast i privilegija bit va tvojoj kumpaniji sa pasana leta, upoznajuć tebe, upoznal san samoga sebe, hvala ti na semu, napisao je Mavrinac.